हार्दिक बधाई तथा शुभकामन !
मिति ९ जुन २०२६ मंगलबारको दिन नेपाल सरकारको मन्त्री पदमा नियुक्त हुनुभएकोमा माननीय श्री सुधन गुरुङज्यू तथा माननीय श्री महाबिर पुनज्यूलाई हार्दिक बधाई तथा सफल कार्यकालको हार्दिक शुभकामना व्यक्त गर्दछौँ।
नेपाल सरकारको मन्त्री परिषद्मा नियुक्त भई माननीय श्री सुधन गुरुङज्यूले गृह मन्त्रालय तथा माननीय श्री महाबिर पुनज्यूले विज्ञान, प्रविधि तथा नवप्रवर्तन मन्त्रालयको महत्वपूर्ण जिम्मेवारी सम्हाल्नुभएकोमा तमु समाज यूकेको तर्फबाट हार्दिक बधाई ज्ञापन गर्दै सफल, परिणाममुखी र गौरवपूर्ण कार्यकालको मङ्गलमय शुभकामना व्यक्त गर्दछौँ।
तपाईंहरूलाई प्रदान गरिएको यो गहन राष्ट्रिय जिम्मेवारीले देशमा सुशासन, शान्ति–सुरक्षा, विज्ञान, प्रविधि तथा नवप्रवर्तनको क्षेत्रमा सकारात्मक परिवर्तन र नयाँ युगको सुरुवात गर्नेछ भन्नेमा हामी पूर्ण विश्वस्त छौँ। तपाईंहरूको दूरदर्शी नेतृत्व, निष्ठा, अनुभव तथा राष्ट्रप्रतिको समर्पणले सम्पूर्ण नेपाली जनसमुदायलाई गौरवान्वित बनाएको छ।
देश र जनताको हित, समृद्धि तथा सेवामा तपाईंहरूको कार्यकाल पूर्ण रूपमा सफल, उपलब्धिमूलक र प्रेरणादायी बनोस् भन्ने हार्दिक कामना गर्दछौँ।
माननीय श्री सुधन गुरुङज्यू (गृह मन्त्री):
माननीय सुधन गुरुङज्यूले सार्वजनिक सेवा, सामाजिक नेतृत्व तथा जनसरोकारका विषयमा लामो समयदेखि सक्रिय र प्रभावकारी भूमिका निर्वाह गर्दै आउनुभएको छ। उहाँको कार्यदक्षता, इमानदारी तथा सशक्त नेतृत्व क्षमताले विशिष्ट पहिचान स्थापित गरेको छ। गृह मन्त्रालयजस्तो राष्ट्रको आन्तरिक सुरक्षा, शान्ति–सुव्यवस्था तथा सुशासनसँग प्रत्यक्ष सम्बन्धित मन्त्रालयको नेतृत्वमा उहाँको अनुभव र दृढताले नागरिकमा सुरक्षा र विश्वासको भावना थप सुदृढ हुने अपेक्षा गरेका छौँ।
माननीय श्री महाबिर पुनज्यू (विज्ञान, प्रविधि तथा नवप्रवर्तन मन्त्री):
माननीय महाबिर पुनज्यू नेपालका प्रख्यात सामाजिक अभियन्ता, आविष्कारक तथा प्रेरणादायी व्यक्तित्व हुनुहुन्छ। ग्रामीण क्षेत्रमा प्रविधिको पहुँच विस्तार गर्न तथा ‘राष्ट्रिय आविष्कार केन्द्र’ मार्फत नेपाली प्रतिभा, अनुसन्धान र नवप्रवर्तनलाई प्रोत्साहन गर्न उहाँले पुर्याउनुभएको योगदान अत्यन्त प्रशंसनीय र ऐतिहासिक रहेको छ। विज्ञान, प्रविधि तथा नवप्रवर्तन मन्त्रालयको नेतृत्वमा उहाँको आगमनले नेपालको प्राविधिक विकास, अनुसन्धान तथा स्वदेशी नवप्रवर्तनलाई अन्तर्राष्ट्रिय स्तरमा स्थापित गर्न महत्वपूर्ण र ऐतिहासिक योगदान पुर्याउने विश्वास लिएका छौँ।
जय मातृभूमि!
तमु समाज यूके परिवार
वेम्बली, लण्डन
